樂心冰室

营业中

休息中

一间都已经食咗好几年，好多次嘅餐厅！（早餐）好好食又唔算，难食又未轮到到佢！最近几次去，次次都系叫咗好耐未到！（迟嚟嘅反而到先）都算，可能系自己黑仔又或者自己心急！不过今次真系太过份！落单叫咗火腿通粉，双蛋多士热奶茶，叫咗之后等咗15分钟，再催下！等多10分钟，都系未到！（同之前一样，其他迟过我到嘅人都已经全部到整！）终于见我面黑后等多几分钟送上第一碟火腿通粉！未食前都觉得算数，食咗第一啖都系火到嘅！同师姑尿一样，冇味！想落啲盐继续食，但个盐樽面湿淋淋根本就出唔到盐！（连坐我对面嗒枱个姐姐都讲咗句冇味嘅！）最后都系自己去攞支美极加咗少少食咗碟得美极味嘅火腿通粉！如果咁样我就唔需要去佢地间餐厅食喇！到食完通粉后都系未见到我嘅双蛋多士，可以做嘅嘢就系再催，跟住放系我面前嘅系两个又圆又硬嘅鸡蛋，同两片牛油多到见到都会反胃嘅多士！我已经好耐冇咁样黑面过，双蛋同多士都冇食到，俾钱走人！以后都应该唔会再去依间已经唔想做好啲嘅餐厅食早餐！做得最错就系因为太嬲冇影相就走咗！