金曼谷泰國餐廳

营业中

休息中

几时都咁多人嘅泰国餐厅,正所谓有麝自然香,整得好食确实系客似云来,店舖细细哋 但有室内室外, 所以算多位.餐厅附近有得泊车,啱晒三五知己，或者一家大细。因为如果坐火车，在大围站行过嚟，有少少远。由于餐厅太受欢迎，所以枱同枱之间，坐得比较近，有心理准备.厨师手势唔错，整嘅嘢确实几好食，先嚟一个冬阴功，够辣，足料，好味。钟意食辣嘅朋友一定要试下，D虾够弹牙，又新鲜，并配有番茄、草菇等等其他材料，够晒足料，惹味。炒通菜叫咗小油小盐，佢真系做到，可以唔使咁咸但又好好味，佩服。炒贵刁有诚意，有青口、虾、鱼等等材料，味道刚刚好，主食首选.晚市送甜品，椰汁大菜糕，非常好食及清甜。总括来说，㕑艺精湛，一定要来试试。