酌 (已結業)

自从搬咗出尖沙咀，食嘢就方便咗好多，近呢排都很会花时间睇下附近有咩好嘢食，韩国餐wishlist入面其中一间就系呢间「酌」啦😎位置喺诺士佛台一号(好多餐厅𠮶幢)，好在拣闲日兼收得早所以未算人多。餐厅好有心机装修，有好多好韩式嘅摆设，anyway即刻order个炸鸡先。韩式炸鸡有几款选择，包括左原味、甜辣、蒜味豉油、蜜糖姜同大葱味。既然第一次食，梗系拣咗原味先啦！唔知系唔系即叫即炸嘅关系，由落order到上枱都等左差唔多20分钟，不过都值得等嘅，除咗好大件头，而且味道同喺韩国炸鸡店食到嘅一样咁好味，鸡皮超脆，肉质好嫩滑，即使鸡胸都唔会觉得好鞋口。之后再加个韩式辣炒小八爪鱼🐙，除咗主角八爪鱼仔之外仲加咗芽菜、甘笋、洋葱等等嘅配菜，食落都几惹味，不过有成7级辣(10级满分嘅话)，如果系煮鱿鱼就仲正啦！计埋另加嘅韩式餐盒同特饮，每人唔驶$250，以位置+环境+质素来讲，真心几抵食👍🏼