臥龍正宗成都麻辣火鍋 (已結業)

呢排新开左好多麻辣火锅店，本身都系爱辣之人，咁岩今日黎到铜锣湾，即刻试试呢间卧龙，睇下系咪真系咁正宗😋闲日7点左右去到，都唔算好多人，店内环境好有中国feel，好似真系返左成都食火锅咁 😝叫左个鸳鸯锅，中间系药膳 外围先系麻辣火锅，锅入面既麻辣汤底，睇真啲原来系麻将咁既形状，仲系一副十三么！等紧既时候餐厅仲会准备啲前菜俾客人，酸酸地几开胃。个酱汁都会帮你调配好，侍应仲叫我地落啲佢地既香油，会令食物更香～Order左手切肥牛，唔会丸多脂肪，肉质都好嫩。侧边有4块白色既系牛白肉，侍应话系牛横隔膜下面既脂肪，滚两三下已经可以，口感好爽，第一次试，几有惊喜😋呢个双色鬼马油条，系油炸鬼+墨鱼滑。即炸出黎，热辣辣，又脆，同朋友清哂👍🏻另外仲叫左黑毛猪，牛餐肉，四宝丸，猪红，猪红一啲腥臭味都无，唔错。整体黎讲，唔会太过辣而食唔到，侍应既服务态度好友善会同你倾下计，而且价钱公道，有机会会再同朋友黎食试埋海鲜👍🏻1