圓山飯店 (裝修中)

今晚放工同朋友一齐行到The One呢头揾嘢食，行到加拿芬道尽头就见到呢间圆山饭店。睇到佢各款彩色都咁吸引🤩就决定系度享用晚餐。前菜系赠送既手拍青瓜，酸酸甜甜，少少辣，好开胃。圆山小炒皇第一个𩠌就叫左圆山小炒皇，韭菜花新鲜爽脆，配料多到爆，而且好特别，除左常见既虾干，银鱼干，重有好多蚬！！避风塘炒蚬呢一碟炒蚬非常推荐！炒蚬嘅份量相当之多，蚬中肥美嘅蚬肉，再配上辣椒嘅辣味，个口感嘅辣度十足，非常惹味！椒盐鲜鱿 未放入口先比佢外观吸引，金黄色嘅外皮，热度十足，而且每旧鲜鱿都大大旧。一放入口就感觉到冇得顶！椒盐鲜鱿新鲜热辣，而且外皮香脆，直头系用黎送饭一流嘅菜式！蒜蓉粉丝蒸圣子皇（2只起）呢碟圣子真系又大只又新鲜，配埋蒜蓉粉丝蒸既味道，真系食到舔舔脷！