台灣麵 (已結業)

呢几日都系公司食lunch，今日冒住生命危险，去左公司附近既EMax食lunch。论经济实惠既话，台湾面应该系唔错既选择？我同朋友经过一间台湾餐厅，名字叫台湾面，可谓相当直接。然后再望一望餐牌，价钱算合理，即管试下。餐纸印上多款小食，彷佛向我讲「快啲食我，快啲食我」。餐厅相当大，总共有两个铺位，所以唔驶惊lunch时段要等好耐。-台湾牛肉粗面除左粗面，大家可以转特别啲既卤肉饭或新竹米粉。牛肉面份量适中，牛肉煮得几稔几入味，不过汤底淡茂茂。- 白菜云吞干伴粗面云吞皮薄馅料肉质新鲜，干拌面弹牙有咬口，肉燥同埋卤水汁嘅完美配合，真系简单就是美。- 酥炸花枝丸每一粒花枝丸都系漂亮既金黄色，而且洒上少少胡椒盐，味道方面几香口，而且几弹牙。- 热胚芽奶茶胚芽有少少嚼劲，令奶茶口感更丰富，味道亦唔会太甜。