影片
更多
2024-05-05
504 浏览
餐厅：囍公馆 (尖沙咀)地址：尖沙咀西九文化区艺术公园地下GF-01-03号舖点心喺我心目中有无可取代嘅地位，但依家酒楼嘅「一盅两件」越黎越贵，份量又少，计埋茶芥同加一都真喺无咩意欲想去饮茶🥲。趁假期去咗西九文化区散吓心，见到囍公馆做紧平日成人只需$198(小童$158)嘅120分钟点心放题，加上𠮶日唔知点解特别肚饿，难得嚟到一于试吓🤪囍公馆FAM以特色菜肴(Food)、艺术(Art)同音乐(Music)为主题概念，为食客提供独一无二嘅用餐体验👨🏻🍳，店舖面积超过6000平方尺，以五颜六色嘅家私同画作突显西九文化区嘅艺术风格🎨，食客仲可以带埋毛孩嚟用餐，一齐享受270度嘅维港美景🏞️餐厅糅合正宗同创新嘅烹饪手艺将传统粤菜重新演绎，打造出造型精致、充满新鲜感嘅点心同手工中菜🆕，今次嘅放题可以无限任点瑶柱花胶珍珠鸡、碧绿带子卷、香草蜜豆叉烧等超过30款别出新意嘅菜色😍，仲每人多送一份芝士虾丸、鲍鱼千层酥同海参素鱼翅灌汤饺，源源不绝嘅滋味包你捧住个大肚腩返去🫃🏻✝️芝士虾丸吊住喺树枝上嘅虾丸望落好似一粒粒荔枝，相当吸睛👀，新鲜弹牙嘅虾肉以红米包裹后炸至焦脆，不过就唔喺好食到芝士味🧀✝️鲍鱼千层酥
地址：尖沙咀西九文化区艺术公园地下GF-01-03号舖
点心喺我心目中有无可取代嘅地位，但依家酒楼嘅「一盅两件」越黎越贵，份量又少，计埋茶芥同加一都真喺无咩意欲想去饮茶🥲。趁假期去咗西九文化区散吓心，见到囍公馆做紧平日成人只需$198(小童$158)嘅120分钟点心放题，加上𠮶日唔知点解特别肚饿，难得嚟到一于试吓🤪
囍公馆FAM以特色菜肴(Food)、艺术(Art)同音乐(Music)为主题概念，为食客提供独一无二嘅用餐体验👨🏻🍳，店舖面积超过6000平方尺，以五颜六色嘅家私同画作突显西九文化区嘅艺术风格🎨，食客仲可以带埋毛孩嚟用餐，一齐享受270度嘅维港美景🏞️
餐厅糅合正宗同创新嘅烹饪手艺将传统粤菜重新演绎，打造出造型精致、充满新鲜感嘅点心同手工中菜🆕，
今次嘅放题可以无限任点瑶柱花胶珍珠鸡、碧绿带子卷、香草蜜豆叉烧等超过30款别出新意嘅菜色😍，仲每人多送一份芝士虾丸、鲍鱼千层酥同海参素鱼翅灌汤饺，源源不绝嘅滋味包你捧住个大肚腩返去🫃🏻
✝️芝士虾丸
吊住喺树枝上嘅虾丸望落好似一粒粒荔枝，相当吸睛👀，新鲜弹牙嘅虾肉以红米包裹后炸至焦脆，不过就唔喺好食到芝士味🧀
✝️鲍鱼千层酥
极之松化嘅酥皮散发住阵阵牛油香🧈，搭配鲜美嘅鲍鱼同粒粒野菌层次感丰富，食落油而唔腻👍🏽
✝️海参鱼翅灌汤饺
有手掌咁大嘅灌汤饺皮薄软润，一啖咬落去即刻爆汁💦，馅料以鲜虾、北菇、猪肉等组成，每啖口感皆有不同👅，海参亦吸满汤汁嘅精华，加埋红醋更加开胃😉
✝️小小杨梅
外层嘅糯米皮油炸后酥脆而烟韧，有啲似平时食开嘅咸水角🥠，中间放咗蟹肉丝、虾肉同带子，浓郁嘅鲜味相辅相成🌊
✝️蟹籽赛螃蟹饺
赛螃蟹虽然只喺炒蛋白，但细滑软嫩嘅质感完全比得上真蟹肉🦀️，墨汁饺子皮软硬适中有嚼劲，加埋脆卜卜嘅蟹籽就更加鲜香🤩
✝️黑松露小笼包
皮薄馅靓嘅小笼包咬开肉汁澎湃，满嘴充满汤汁嘅甘香💦，芳香扑鼻嘅黑松露唔会盖过肉香，呢种中西合壁嘅风味令人回味无穷
✝️盆栽小萝卜
酥皮经过反覆折叠成萝卜形后再以慢火烘焙，制作出空气感十足嘅千层皮🥕，中间包住嘅手切萝卜丝保留到原有鲜甜，将肥腻感大大减低👇🏽
✝️羊肚菌烧卖
大粒饱满嘅烧卖上放咗一块脆嫩嘅羊肚菌，独特嘅菌香味扑鼻而来🍄，配上肥瘦均匀嘅猪绞肉同鲜虾扎实中带弹性，又喺另一烧卖新尝试👍
✝️芥末美国石蚝卷
石蚝以香脆网纹春卷皮同紫菜包裹著，凸显蚝嘅肥美细致肉质🦪，再伴以微辣嘅芥末他他酱添增一丝香辣快感🍃
✝️龙虾汤海皇泡饭
汤底融合咗甘香嘅龙虾同惹味嘅胡椒，并将醇厚嘅精华都汇聚到白饭中🍚，令你每啖都充分感受到咸中带甜嘅风味🍲，唯独喺加左三色豆有少少怪，个人认为唔洗加三色豆已经好好味😌
✝️海盐爆腩仔
肉块取自猪五花腩嘅位置🐖，瘦肉上带有厚厚一层嘅脂肪同烧到脆卜卜嘅猪皮，配搭出皮脆肉香、层次分明嘅滋味👍🏽
张贴
