逸東餃子

营业中

休息中

入新界区感受下大自然气息，上网睇到呢间饺子店门面餐牌都有少许设计，加上饺子图片好似煎到金黄色几吸引，二话不说拣左佢做午餐。-店舖座位唔算多，但坐得宽敞，午市时间人流较多，都几旺场，由学生到上班族都有。店员落单好热心同友善，服务态度优良。-🍴黑松露香菇鲜肉饺由于煎饺需时，都等左一段时间，见到饺子煎到金元宝咁嘅样就更加肚饿。一咬落去，够脆够香口，但又唔会干到觉得好热气。食落皮够薄身，肉同菇味会较黑松露突出，黑松露嘅香味似慢慢渗出黎，稍稍提鲜调味嘅感觉，唔会好霸道，整体都好符合我口味。-🍴蕃茄薯仔鱼汤上枱时明确闻到汤嘅香味，蕃茄味略有不足，胜在整体鲜甜，搭配煎饺几好。-🍴麻香三椒鲜肉饺先后发生煎错饺同漏咁只嘅意外，但店员上菜时都会好快发现同即时处理，对客人亦好有礼貌咁应对，值得一赞。屋企人就叫左另一款麻香三椒鲜肉饺，有麻香但唔麻，亦唔辣，三色椒甜味突出，好似浓味中嘅清泉，配搭新奇又吸引。相对上，呢款饺会比黑松露饺更浓味，千祈唔好误会佢清淡。-🍴酸辣碗仔素翅叫得酸辣汤都真系辣嘅，唔食得辣嘅人真心可以放弃唔需要试，真系会食唔到。佢辣会比酸明显，但呢碗翅好足料，每啖都会食到荀、肉、翅，只可惜酸辣汤