民華餐廳 (已結業)

初哥食评，如果hea咗唔好见怪，小弟都用咗心机写㗎啦，如果有民华食客有同感，就留言啦......是日坚离地，咁啱又响坚尼地附近想揾D野食，经过见到呢度都有间民华，就黎试下啦。入到去装修光猛，灯火通明，感觉卫生干净，入到餐厅就即刻有人安排我同朋友坐卡位。我地两个人分别叫左一个常餐，加一个盅头饭，哈，因为唔系好肚饿。上餐速度好快，值得一赞!常餐可选火腿/餐肉/肠仔配炒蛋煎蛋等，我就要左餐肉炒蛋再加牛油多士。牛油多士都几厚，咬落亦松软好吃，而且够热配上牛油系好香的。 炒蛋香滑有蛋汁同蛋香的。个主食，我就拣左姜丝牛肉面，呢个几好食㖞~ 汤底有牛味，姜丝味道辛辣适，而且份量足，真系好够姜，而且食落仲好开胃! 牛肉切得大细适中，咬落都几嫩滑的~ 啲面软硬适中，整体都好食。