合和荳品

营业中

休息中

邻近利舞台同时代广场，但因为转咗角，并唔多人行入晏东街呢条小食街。而我哋都系喺揾梗糖水舖做下场𠮶阵误打误撞途经呢间「新派」荳品店。据老板娘所讲，由浸黄豆到做起豆腐都系喺呢间细细嘅铺头自家完成。有别于老字号，呢度menu以豆花、豆浆款式最多，同台式饮品店比亦唔输蚀。成餐入面最满意就系呢碗姜汁紫米豆花，mix咗两款配料都只系$25，喺铜锣湾恐怕只此一家。食豆腐花一定要食热嘅！冻豆腐花虽然可以解暑，但豆腐一定会因为被雪柜抽走水份同遇冷收缩而变鞋。姜汁豆花可不可求，呢度嘅姜汁唔系现成糖水，而且够晒辣啱晒我胃口，姜汁配滑溜豆腐花🤤正！估唔到糖水唔系呢度嘅专业都可以做得咁好。紫米露煲得软糯且唔稀，落足料炮制。捞匀食每啖豆花更有咬口。几大碗，食完都饱饱地。煎酿自家出品豆腐煎得金黄香口。豆腐比较弹牙实净，豆味冇豆花咁香，鱼肉比较薄。不过因为不经调味，淡口咗啲，落啲甜酱就更好。最后嚟杯解渴豆浆。杏仁味嚟自杏霜，但冻饮杏霜溶得比较慢，饮到底先发现好足杏霜。珍珠黏韧甜糯，唔错。总括嚟讲豆腐花最抵食，系铜锣湾下场一个唔错嘅选择。