影片
更多
2018-10-04
819 浏览
成日都去元朗食野，朋友话要转转地头，于是带咗我去呢一间位于屯门康景花园嘅「秋香」，呢边个地点系有点偏僻，所以难免有少少难揾，开定地图搜寻，行到最入嘅角落就会见到。装修可见非常花心思，欧陆得泥又带少少地中海感觉，令人坐得十分舒心。一切食乜饮乜由朋友发板，分别柯打咗招牌菜嘅煲仔饭、各款串烧等等，当然唔少得促膝长谈要有嘅酒水同送酒枝豆！坐咗阵最先到嘅系「黑糖枝豆」，之前只食过柚子盐味枝豆，估唔到黑糖味又别有风味，份量都多，黑糖味比较浓同甜，特别系送酒时真系一流。另外店主推介下，我地柯打咗清酒，仲讲笑「饮唔哂唔准酒」。清酒带浓郁酵米味，入口先苦涩后带甜，酒精浓度高，入喉有暖意，对我呢种唔太识饮嘅人而言，忌饮得太快。接住陆续到嘅系串烧，有波板糖五花腩、芦荀，免治鸡肉棒，以及牛粒同牛舌串烧，全部都系即叫即烧，够哂热辣辣。个人最钟意免治鸡肉棒，原因系口感唔同一般常食开嘅鸡肉棒，碎肉之中仲会有一啲细细嘅软骨，口感层次多咗，再配合埋个蛋黄酱汁，不俗！而其次既牛粒熟透度岩岩好，唔会太熟太老，易嚼之余肉汁丰富。牛舌更加唔洗讲，个人觉得系串烧必食，外面有少少爽脆，内里肉质软林林，绝不错过。其次到嘅系「白鳝煲仔
一切食乜饮乜由朋友发板，分别柯打咗招牌菜嘅煲仔饭、各款串烧等等，当然唔少得促膝长谈要有嘅酒水同送酒枝豆！坐咗阵最先到嘅系「黑糖枝豆」，之前只食过柚子盐味枝豆，估唔到黑糖味又别有风味，份量都多，黑糖味比较浓同甜，特别系送酒时真系一流。另外店主推介下，我地柯打咗清酒，仲讲笑「饮唔哂唔准酒」。清酒带浓郁酵米味，入口先苦涩后带甜，酒精浓度高，入喉有暖意，对我呢种唔太识饮嘅人而言，忌饮得太快。
接住陆续到嘅系串烧，有波板糖五花腩、芦荀，免治鸡肉棒，以及牛粒同牛舌串烧，全部都系即叫即烧，够哂热辣辣。个人最钟意免治鸡肉棒，原因系口感唔同一般常食开嘅鸡肉棒，碎肉之中仲会有一啲细细嘅软骨，口感层次多咗，再配合埋个蛋黄酱汁，不俗！而其次既牛粒熟透度岩岩好，唔会太熟太老，易嚼之余肉汁丰富。牛舌更加唔洗讲，个人觉得系串烧必食，外面有少少爽脆，内里肉质软林林，绝不错过。
其次到嘅系「白鳝煲仔饭」，店家选用珍珠米，粒粒分明，而且煲仔饭火候十足，煲出靓饭焦之余又一啲都唔黏锅，岩哂我呢啲钟意食饭焦嘅人啊。除咗米饭煮得有味够香又好食，我认为鸡蛋、葱花等等都系完美助攻，令到整体更完满。当然唔少得要赞嘅系上面嘅白鳝肉，食得出系新鲜货，皮厚且肉带脆度，烧得十分香而不腥。整个煲仔饭嘅水准都好高，黎到一定系必食煲仔饭。
总结食物不俗，餐厅予人感觉舒服。另外一提，是日因为清酒关系，都坐咗一段颇长嘅时间，但店员态度都系相当欢迎。忽然到咗某个钟数，餐厅会摇身一变地，熄哂平时餐厅用黄灯，并开著咗犹如迪士高嘅幻灯，气氛一百八十度地改变。早少少嘅时份明明感觉比较悠闲轻松，到咗九点后就变得狂热奔放，个人觉得呢个「双面秋香」经营策略系店家嘅过瘾之处，值得一去！
张贴
