more food & creation (已結業)

今天由于工作迟咗，所以好晏先有时间食lunch，急急脚去揾食之际路过此餐厅，心谂虽然平时我唔食茶餐厅，不过今日咁肚饿，不妨一试啦，起码唔使行，唔使再揾⋯结果系出乎意料之外嘅惊喜。叫咗个泰式牛肉炒河，个厨师系即刻煮嘅，所以都等左几分钟，但系睇住上菜果刻，佢热辣辣香气扑鼻心情，即刻非常之好。话明系泰式当然有少少辣 㗎啦，辣得来系惹味咪得啰。啲河粉炒得干身，比较阔同埋薄，几有特色。成成个牛肉河又香又辣，系难得的有水准，而且好少可茶餐厅会咁有镬气，所以真系非常之惊喜。