源記海鮮小廚 (已結業)

今日同朋友嚟到呢间在二坡坊嘅源记海鲜小厨，记得以前经过这里，好似见过呢度派免费饭盒俾老人家，系一间有良心有爱心嘅饭店。我哋唔系太肚饿，只系叫咗两个𩠌：源记小炒皇，蜜汁薯仔牛柳粒。可能我哋呢餐嘅晚饭时间算系早(大约6点钟), 小菜好快就上台。源记小炒皇份量都几多，系蒜芯炒腰果虾干鱿鱼菜脯，轻微少少辣，呢碟𩠌几惹味，有好多虾干非常香口，𩠌白饭最正。另一碟蜜汁薯仔牛柳粒，啲薯角沾咗蜜汁煮，外层脆脆哋，内里好够淋，牛柳粒大大粒，又系好惹味嘅一碟𩠌。虽然只系叫咗两个𩠌，我哋都食得够饱，最钟意呢度嘅小菜够镬气，绝对系大排档风格。