牛記福來居

营业中

休息中

我真系好惊讶原来呢间舖头无乜人写食评，因为呢间舖头真系坚好食。舖头有两边，不过都系同一间，一坐低就有窝汤送，又有饭后果，非常体贴。好嘞，入正题，佢基本上好多样野都好味，生炒排骨、炸猪大肠、琵琶豆腐、黄金凉瓜、啫啫鸡煲、霸王鸡等，不过我自己最钟意嘅就系佢嘅肉片煎米粉同埋豉油王炒面，肉片煎米粉系将d米粉压扁平至饼状，然后煎香，再落蛋花芡汁同肉片，个芡汁不但无整淋晒个煎米粉饼，而且反而令到个粘米粉，口感烟韧非常好；至于个豉油王炒面，由于呢间铺头主打做海鲜，所以镬气一定够，因此个豉油王炒面炒得好干身好香。最后要一提嘅就系佢d炒菜，好青绿好嫩好够镬气，值得推荐。