澤田小廚(仔仔小廚) (已結業)

星期六同朋友专得去天后「揾食」，巡完成条清风街，拣左黎泽田食，未到七点已经九成满座，两个人唯有坐大枱撘枱。我地叫左玫瑰醉乳鸽，烟肉蒜蓉炒西兰花，方鱼蚝仔粥。醉乳鸽一只切件，上面舖左d玫瑰花，酒味唔够，但乳鸽够滑，都几好味。烟肉蒜蓉炒西兰花以为系烟肉碎炒，完来系炒一大片既烟肉，但奇怪既系烟肉唔系同西兰花一齐炒，西兰花系烚既，烚好上碟后再洒上炸过既蒜片碎，中间再放上炒过既烟肉片。食落先知烚得有道理，烚西兰花无乜油，将炒过既烟肉片夹住西兰花一齐食，啱啱好，唔会太油淋淋，蒜香加上烟肉可能会较浓，但加埋较清淡既西兰花一齐食就中和返。方鱼蚝仔粥汤底无乜味精，蚝仔够多又几大粒。撘枱关系，同隔离两位女食客倾起上黎，佢地叫左马拉𦶻通菜啫啫煲，紫罗鸡柳同埋胜瓜鱼肚汤。见佢地食清哂都知好味，佢地话个马拉𦶻通菜啫啫煲好香好好味，个煲上菜时我都闻到超香，买相好够镬气添。胜瓜鱼肚汤清清地，里面加有木耳，叫我地下次一定要试下！最后大家都异口同声话佢地既炒菜好够镬气，味道又唔错，起码唔会好似好多大排档咁劲味精。