三希樓 (已結業)

曾经有个朋友介绍我如果要食正宗川菜，就要去半山食三希楼，但讲真，真系冇乜几可会去果头。早排先知原来三希楼开到落铜锣湾，于是就去试一试，果然冇介绍错我哋坐门口第一张枱，呢个area都布置得好靓呀，卡位都坐得好舒服餐前小食有海带同豆干［三椒猪手，$138］人到中年，真系会流失好多骨胶原，所以叫咗个猪手补补佢。呢道菜用咗花椒、辣椒、青椒三种椒去烹调，麻麻哋辣辣哋，食落又唔油腻，好好味呀而且估唔到原来猪手系起哂骨，切到细细粒先炒，食起上嚟真系超方便！［水煮鱼，$398］铺满辣椒喺面嘅水煮鱼，上枱时已经散发出好浓嘅麻辣香味，从个卖相同气味嚟睇，都已经觉得佢好正宗除咗鱼片外，仲有青瓜、红薯粉、大豆芽、鸭血（定系猪红？）、荀等等材料，劲丰富。鱼肉鲜味嫩滑，煮得够麻够辣，一流！不过可惜薯粉唔够烟韧［炝炒莴荀丝，$108］呢度菜味道相对清淡，但带麻，莴荀丝亦口感爽脆，炒得好味［枣蓉千层糕，$42］最后不得不叫个甜品嚟中和一下口腔入面嘅辣味呀！我哋拣咗呢个千层糕，枣味好清香，口感烟韧，我个人都几钟意