白鬍子炸魚薯條

营业中

休息中

上個星期約左兩個Friend出來聚下，地點去返之前我老公推介喺中環卑利街出名食炸魚薯條嗰間白鬍子，一星期前已Book左位，當日一到步店員立即安排入座，睇完餐牌當然要叫返個招牌菜炸魚薯條配沙律醬另外order左其他小食有鐵板安格斯西冷牛肉、白啤酒煮青口、明太子釀雞翼、啤酒炸蠔等，傾住計等左陣野食好快送到枱上，件招牌炸魚好大塊做得外皮脆魚肉嫩，最值得推介係啤酒炸蠔，唔會太油又有蠔味同安格斯西冷牛扒，好嫩滑，所有食品都係即叫即做，另外要讚既係留意返佢地用竹既飲管，非常環保，朋友亦都大讚好食，其他食物品質一樣高，唔使多講睇相已經好清楚，呢間小店除左服務好，飲品食物又好，環境又夠情調，夠Chill又岩我地d港女打卡既好地方，令我再次光顧。