夢の丼 (已結業)

朋友最近喺土瓜湾置业，我哋就喺附近嘅梦の丼食个晚饭。餐厅唔算好大，灯光柔和，所以都几有日本居酒屋嘅感觉。我哋叫咗两个丼饭，前菜系杂菜沙律，加有粟米，配上柚子醋，酸酸味味几开胃。另外再有面豉汤。首先我哋拣咗花锦鱼生丼，配料包括有三文鱼、白身鱼、赤虾、左口鱼边、金蟹子、三文鱼子、樱花虾、蟹膏、豆腐、松叶蟹、蚬肉、玉子等，呢个价钱都做到咁足料，性价比真系高。另外就拣咗佢哋嘅招牌菜式梦の丼，配料包括帆立贝、牡丹虾、海胆、烧三文鱼蓉、松叶蟹、三文鱼子、左口鱼边等。用料新鲜又高质。另外我哋仲拣选左一啲刺身同小食。店员推介我哋试石垣鱼薄切，果然肉质弹牙，色泽晶莹剔透，啖啖新鲜。黑鯥嘅油脂就更加丰富，味道鲜甜。慢煮鲍鱼配肝酱用上慢煮嘅方法炮制，所以仍然保持鲍鱼嘅口感，而酱汁就够入味。蟹皇酱烧蟹膏豆腐味道就最惊喜，佢用嘅豆腐好滑好香，再放上蟹皇酱同蟹膏，然后再用火枪烧制而成。最后每人食一件左口鱼边寿司，最钟意左口鱼边嘅口感，再扫上酱汁，味道就更佳。