夢の丼 (已結業)

前几日出街揾食，去左大学站度食日本野。系好高质嘅日本野丫，食物好，侍应好，食到好满足丫。我哋叫左梦之丼套餐（298蚊），蟹皇酱烧蟹膏豆腐（48蚊），海鲜：包括有塔斯曼尼亚生蚝（当日特价48蚊2只），柔煮鲍鱼（98蚊一大只），深海池鱼（当日特价38蚊2切），甜品就叫左绿茶雪糕。梦之丼套餐包左沙律加有蚬肉嘅面豉汤。梦之丼系佢最signature嘅丼饭，入边有带子，甜虾，三文鱼子，海胆，蟹肉。 所有刺身都好鲜甜 ，好大嚿！饭底 系用咗日本米加埋高汤煮， 好烟韧好香好好味。餐厅每日都会有一个餐牌列出当日减价嘅食物。我就试咗埋深海池鱼同生蚝。两样食物都鲜甜，生蚝有半只手甘大，深海池鱼厚身，食完好满足！另外，柔煮鲍鱼好大只，切开有5至6块！煮到好林身，唔捞酱食嫁话，食到淡淡鲍鱼鲜味同酱汁味！如果捞埋佢个蟹膏去食嘅话，就好惹味。最后我哋食左绿茶雪糕作结。本身唔好绿茶嘅我都食晒成碗！淡淡嘅茶香味同牛奶味好夹，雪糕有奶香得嚟又有啲茶味，唔会太甜。救命，好鬼好食😂