影片
更多
2017-09-08
991 浏览
早阵子同朋友晌K11食饭，由地铁转上商场，经过中庭见到有间店好多人排队，名为「百味堂」，因为当日既路经，又鬼咁多人，所以，就未有详细深究卖乜嘢。事后睇杂志才知喺韩国一家乳业集团旗下嘅新品牌，标榜用100%韩国农场直送有机牛奶，主打牛奶雪糕，而呢间K11店喺Pop-up Store，真喺唔知开几耐。是夜虽然都仲见好多人，但排队嘅人唔算多，就试吓其梦寐以求嘅牛乳产品。晌两边「入口」位，都架设咗巨型餐牌，企晌度谂清谂楚，心里有个预算，就唔使埋到收银唔知点咩好。原来，佢哋都几多产品吓，包括：多种配搭嘅牛奶雪糕、鲜忌廉蛋糕、奶昔、有机咖啡及店家嘅精选产品。之但喺，有时有啲嘢又真喺要埋到柜位先知，就晌收银旁嘅饼柜上面，就有一列新推广，如9月限定嘅新口味、咖啡与蛋糕组合优惠、夏日绿色雪糕系列……等等。既然有限定出品，真喺苏州过后无艇搭，自然想先试为快。顺便介绍埋个环境，其实位处中庭咁开扬嘅地方，都一目了然啦。但如想叹咖啡嘅，可以走到埋边嘅吧位，自成一角，感觉自在。新鲜蓝莓牛奶雪糕 $78佢哋啲牛奶雪糕真喺有好多口味，足足超过10款，店员介绍话呢款期间限定就标榜以新鲜蓝莓打造，无糖兼无人造色素，再配合
晌两边「入口」位，都架设咗巨型餐牌，企晌度谂清谂楚，心里有个预算，就唔使埋到收银唔知点咩好。
原来，佢哋都几多产品吓，包括：多种配搭嘅牛奶雪糕、鲜忌廉蛋糕、奶昔、有机咖啡及店家嘅精选产品。
之但喺，有时有啲嘢又真喺要埋到柜位先知，就晌收银旁嘅饼柜上面，就有一列新推广，如9月限定嘅新口味、咖啡与蛋糕组合优惠、夏日绿色雪糕系列……等等。既然有限定出品，真喺苏州过后无艇搭，自然想先试为快。
顺便介绍埋个环境，其实位处中庭咁开扬嘅地方，都一目了然啦。但如想叹咖啡嘅，可以走到埋边嘅吧位，自成一角，感觉自在。
新鲜蓝莓牛奶雪糕 $78佢哋啲牛奶雪糕真喺有好多口味，足足超过10款，店员介绍话呢款期间限定就标榜以新鲜蓝莓打造，无糖兼无人造色素，再配合番100%韩国农场直送有机牛奶雪糕。先讲卖相，蓝莓浆落得绝无手软，满满咁填入晒去啲雪糕中，味道果然鲜甜，更有一份新鲜感，面面仲有好多新鲜蓝莓粒，蓝莓一向有明目、提升免疫力、预防心脏疾病……等一大堆好处，所以，多食无妨；
讲到啲牛奶雪糕，挺身而柔滑，真喺劲浓奶味，跟啲北海道牛乳真喺不遑多让，伴上蓝莓浆，奶味与莓香同样突出，令滋味升级！食到尾，剩番少少雪糕都溶番成牛奶咁款，混和啲蓝莓浆，变成鲜活嘅蓝莓奶昔，好饮！
老实讲，食杯鲜果牛奶雪糕要成近八十蚊，当然，感觉一定唔会话平，但试过之后，奶味之浓郁，蓝莓之鲜甜，用料无欺场之余，又落得十足，确喺有番啲物有所值嘅感觉，偶尔为之，绝不过份。
张贴
