百匯軒

营业中

休息中

好唔容易先等到慈云山中心两间酒楼先后结业后嘅其中一间重开。原先以为会有新面貌新思维,因为七楼被新(百好集团)投得经营。开业几日后去试一试下午茶,发觉(完全唔掂)。首先被辉煌光猛嘅装修吸引,但坐落后便发觉差不多一个企堂要负责五六张台。嚟完一壶茶后又嚟一壶,落单四样点心(走单两样)。食物水准差劲,听到同台嘅茶客话虾饺唔掂已经唔敢叫。叫咗鸡包仔~湿立立,牛肉肠粉~唔滑溜又冻冻哋。潮州粉菓叫做交到货,但家人觉得比平常食开嘅辣好多🙄。最后由部长亲自追单嘅南乳猪手上台,果个卖相叫人反胃。散修修又骨头多过肉😤😤😤 。咁嘅水准,好难有下次🙅‍♂️🙅‍♂️🙅‍♂️