養心殿台式養生鍋 (已搬遷) 新店位置

一直久仰养心殿呢间火锅，今晚朋友主动话要食，刚好正合我心意！点知一去到劲多人等位，非常旺场，胜在我哋一早订咗位！店务员好快就安排我哋入座。每张枱都有自己嘅空间，唔会同隔离枱太近，好啱倾计！汤底一共有六款，我地拣咗养生锅同美人锅！两个汤底都好足料，我就比较喜欢美人锅！美人锅入面有桃胶、原只乌鸡、红枣、杞子等，真系好养颜！养生锅入面有多款名贵药材及人参，非常足料！火锅材料唔少得肥牛，呢碟肉眼肥牛肥瘦均匀，牛肉味好香！手工丸类拼盘，包括有鹅肝墨鱼丸、黑松露虾丸、芝士牛肉丸、墨鱼丸、虾丸同梅菜猪肉丸！我就几钟意梅菜猪肉丸，有啲似梅菜蒸肉饼嘅感觉，好入味！我朋友就钟意黑松露虾丸，黑松露好香！另外芝士牛肉丸都好有惊喜！芝士和牛肉的配搭很好！其实另外果几款嘅丸类都非常爽口弹牙，各具特色！一定要试！另外我哋仲叫咗一碟唐生菜同埋咸柠七！简直为今晚嘅高质火锅画上完美句号。