SP Flower & Tea Room (太古城中心) (已結業)

上星期六，为左同朋友开bridal shower party，买左呢间蛋糕。由于某啲问题，时间非常仓猝，又想买一个令准新娘难忘嘅蛋糕，又冇咩时间。我地买现成蛋糕，除左大型连锁蛋糕店，就冇咩选择。而我相信冇人会买连锁饼店嘅蛋糕黎做bridal shower 蛋糕。好好彩，比我记得有呢间饼店咁，睇相啲蛋糕真系好靓。早上打电话比间铺头，问佢有咩蛋糕，店员好有礼貌咁话下午一点蛋糕会齐啲。咁就更加好，唔洗咁赶。一去到间铺头，见到啲蛋糕，心谂:原来真系咁靓，今次新娘实会有钟意。不过我有选择困难症，谂左好耐都未决定到买边个，另外位姊妹又未到。不过谂下，呢啲蛋糕系紧越夸张越好。终于，就拣左呢个SP blossom，仲可以免费写名牌。店员都好nice 呀!新娘同各位姊妹都表示惊喜，觉得蛋糕好靓😍到食嘅时候切开都好靓，同埋都好味。唔系得个样入面就药水味。仲有一个小惊喜，就系蛋糕上啲花系用左真花架，蛋糕入面有个位装住啲水养住佢。真系好用心，好精致。