White Button Cafe & Dessert (已結業)

一入到呢间餐厅就觉得少女味十足，餐厅用上梦幻嘅粉红色同蓝色做主调，再加上漫画风嘅挂画做装饰，充满打卡位，难怪好姊妹嚷着话要嚟。我哋要左新出推介波士顿龙虾汁扁意粉。卖相真系一百分，好似一件艺术品咁，卷着意粉嘅铁叉悬浮在半空，好有睇头。而且波士顿龙虾既size都唔细，开边之后都好多肉，而且系弹牙既。另外龙虾汁都好浓，加左少少番茄酸酸的，意粉亦好烟un。整体来说，虽然价钱比较贵，但系其实都好值得。另外亦要左铁板香烤柚子猪扒配饭，柚子味就唔算重，但猪扒够juicy，肉质鲜嫩完全唔鞋，冇猪肉𠮶种腥臭味。而且白饭用上珍珠米，好好食。亦都要咗一个甜品，系大热嘅朱古力千层饼。一层层嘅朱古力忌廉好滑，面头再加左一层朱古力酱同可可粉，令整体嘅朱古力味更加浓，仲有少少果仁碎增加口感。饮品方面要咗一杯iced mocha，朱古力同咖啡味嘅比例啱啱好平衡到，又唔会太甜。呢度嘅环境靓之外又坐得舒服，食物质素亦都好唔错好适合好姊妹聚餐。