Solé (已結業)

【九龙湾】Solé炎炎夏日行街睇戏食饭都想集中喺商场，今次喺Megabox行街，嚟到5楼大庭靠侧嘅一间法国餐厅，位置虽然唔太显眼，但入面嘅环境令我非常惊喜！😍装潢以白色做主调，柔和灯光营造出浪漫又梦幻嘅感觉。餐枱同座位非常宽敞，每张枱上面都有烛光，气氛令我感到放松。☺️晚餐提供一人及二人餐，两款餐牌里面嘅菜式完全唔同，而二人餐就比一人的多出头盘及餐汤。（我觉得一人餐头盘比较吸引🤭✨）头盘：✨香煎鸭肝伴无花果汁✨法式香蒜焗蜗牛（6粒）两款都系我最爱！！鸭肝煎得刚好，入口外表焦脆内里嫩滑。沾一点旁边微酸嘅无花果酱汁再搭少少苹果粒一啖食，正好中和鸭肝嘅腻。👍🏻自从上年第一次食蜗牛之后就爱上咗。呢款焗蜗牛用咗香浓嘅牛油调味，未食已经被香味吸引咗🤤，而且绝对要搭配底下幼滑嘅薯蓉一齐食，令整体口感更丰富。😆主菜：✨ 炭烤特级安格斯肉眼扒伴脆薯条及田园沙律✨ 炭烤法国羊扒配普罗旺斯田园鲜蔬炭烧肉扒相当出色，表面焦香，肉眼扒5成熟，牛肉呈现出好靓嘅粉红色，肉质软淋。主菜配咗三款酱汁，最钟意其中一款绿色薄荷汁用嚟配羊肉食，有助减低羊肉嘅膻味同油腻感。甜品：✨ 芒果芝士蛋糕👉🏻环境、食物同服务质素都非常满意