Le Rêve (已結業)

就快生日，好姊妹带我嚟铜锣湾食法国日本fusion 菜！首先餐厅环境好靓，布置得好仔细，连个Menu都系一本故事书嘅设计，感觉好浪漫。每一枱客都有专人讲解食物嘅特点，真系好贴心！原来餐厅咁梦幻，系因为几个香港人老板梦想开间餐厅，为大家带来梦幻嘅体验。由于地理位置关系，佢哋选用日本新鲜食材，加上法式料理方式，创造出不一样嘅体验。我哋叫咗Set Menu里面嘅surprise Menu。有两个𩠌系Surprise dishes。今次seasonal嘅系西班牙豕肉同鹿儿岛和牛A4牛柳，因为肉较多而油份少，加埋海盐同黑松露煮嘅日本烧汁，可以称得上系味觉嘅最佳享受。另一个surprise dish 系汁烧雪鱼：鱼油丰富加埋酸味的汁中和鱼油，又系做得好出色！前菜芝士蘑菇挞、刺身级带子、豆腐牛干菌味噌海胆、松叶蟹配芒果及raspberry 酱，每味𩠌都令人惊喜十足。波士顿龙虾慢煮加上芒果,同埋炸过嘅羽衣甘蓝加埋啤梨令口感极其丰富。最后食埋个芝麻石头甜品，真系好满足！