鳥語 (已結業)

每日Lunch都要谂下食咩，但今日误打误撞就黎到呢间鸟语。餐厅环境简约，以木及布为主，系一间充满文青气息的餐厅，好似远离左紧张的城市一样，比人有一种好舒服好悠闲的感觉。今餐我就叫了冲绳Taco饭，再加$10有自家手作餐汤及黑白芝麻包。自家手作餐汤非常有惊喜，系超梦幻粉红色红菜头汤，口感creamy又滑，有淡淡红菜头味，而香喷喷的黑白芝麻包就松软好食，点上红菜头汤别有一番滋味。而且盛装的器皿又靓，真系味觉同视觉都得到好好的享受。而呢个冲绳Taco饭都好好味，系饭上面有墨西哥风味的辣肉酱、温泉蛋同香脆味辣的粟米片，而周围围满了清新的沙律菜周蕃茄仔，加上蛋黄酱，将所有野mix埋一齐食，口感非常丰富，你会feel到系一啖饭里面可以又滑又爽又脆，味道仲好丰富喔！最后叹埋呢杯清新的绿茶，啖啖的茶香令我渡过左一个好写意的lunch time。