牛大人台灣火鍋吃到飽 (將軍澳中心)

营业中

休息中

好少食打边炉会食到咁攰，不过真系值得讲解下。好特别嘅梦王主题极上和牛套餐，谂住佢都系前菜做少少gimmick，事实上，成个餐都好有新鲜感。前菜嘅糖心蛋， 用靓鸡蛋整出嚟，咁系特别柔软顺滑。然后同行朋友拣左生鸡蛋，全餐用黎点牛肉食，真系升华不少。 🍖另外一个前菜三色蔬菜梦王脆蛋，山葵，薯仔，南瓜，俾薄薄嘅鸡蛋酱覆盖住，加啲椒盐，更加凸显蔬菜嘅味道。 🍖和牛唔洗讲，一定好味，一般放题既肉类相，都系会影未渌过嘅，你睇我影渌完既肉，系咪都好吸引先？但系今次我嘅重点反而系放系汤底，佢系限定嘅酸菜鱼汤底，个种酸辣既味道，出奇地配合牛肉，而且蔬菜方面会更加入味。 🍺跟住我见到佢个啤酒，唔系罐装𠮶啲，系少爷生啤，咁又走去饮啰，饮到好饱但系又好满足。点知都唔够，见到佢原来赞好社交平台，又会送一杯梦王布甸珍珠奶茶，咁食台式火锅，就梗系要饮珍奶架啦。好彩有饮，唔知系咪梦王布甸，我觉得啲珍珠都特别林，入口超舒服。 🍖食完再送梦王布甸，同埋雪糕或者仙草冻，真系非常满足。