齒留香

营业中

休息中

尼间铺无得堂食，卫生环境差，又相对隔涉，基本系做街坊生意。但即使系做街坊生意，啲伙计都好唔老实，经常唔够磅。我之前帮衬过好几次，一开始都系买番嚟直接食，冇乜留意，直至有一次心血来潮，觉得50蚊9块凤爪，唔够5只，好似几贵下wor，于是乎攞电子磅出嚟磅下，先发觉俾佢哋呃咗8蚊，果时仲心谂「应该系啲师傅唔小心啫，冇事嘅」。点知之后几次买，次次都唔够磅，都系争几蚊。虽然觉得个心un 住un住，好唔舒服，但系争𠮶几蚊，心谂「是但喇，费事嗮时间攞番去同佢哋拗喇」。直到最近一次，买番嚟磅，又系唔够，俾少咗7蚊，可能这是压垮骆驼的最后一根稻草，我实在忍唔住了，专登蚀埋车钱时间，拎番去同佢哋拗，个伙计磅完，粒声唔出，话唔关佢事，之后直接退番钱畀我。唔明白做开街坊生意，点解唔诚实小小，呃果几蚊嚟做咩呢？？非常失望，以后唔会再帮衬。