小台南 (已結業)

同朋友第一次嚟 叫咗四碟野（下面有单）食物都算正正常常 冇话特别好食同难食 系个猪大肠好似有少少异味咁 但伙记态度真系好有问题 系个啊姐黎 可能佢地人少 想叫野食都有啲困难 等左一段时间 先落到单 食到一半想问佢拎两杯水 但唔知佢听漏定点 净系拎咗一杯 咁就再叫佢拎多杯啦 个样就已经开始嫌我地烦 一嘢抌低杯水 重要水既量得个一啖都冇 真系谷鬼气想攞杯水都咁 之后想拎个外卖盒 再同佢讲𠮶时 佢皱晒眉咁样啤住我 好似觉得我哋唔应该叫佢咁多次 外卖盒一样就咁劈低 或者好难喺度形容 但当时我嘅感觉就觉得佢态度好差 呢一间唔会有下次