四季煲仔飯

营业中

休息中

朋友见过油麻地有间煲仔饭店经常排长龙，叫我一齐去试试，其实呢间食店我以前帮衬咗好几次。记得第一次食系20蚊一煲煲仔饭，饭香，料足，好味，对上一次食好似1-2年前，40几蚊一煲饭。价钱一路一路贵，加上近庙街，自由行，其他旅客，而家嘅煲仔饭已经又贵过上次食啦，大约60蚊一煲，其实价钱贵唔系重点，食材同味道至系重要啰。基本上朋友同我再帮衬嘅机会系……。$44- 呢处煎蚝饼唔系潮州式嘅煎蚝饼，似家庭式嘅蚝仔煎蛋，似荷包蛋加咗啲馅料炸出咁，蚝仔量同味道都入系一般，脆口，枱面已经摆咗樽鱼露汁系度，试过点，但系太咸。煲仔饭系要焗佢一阵至有饭焦，今餐焗到少少咋，同有d d 苦味。$60- 腊肠排骨饭嘅腊肠，唔觉得好食，排骨谂住都会保持水准，点知，食落唔知乜味道，虽然排骨细细嚿，易入口同份量足，总之呢只猪肉，唔好食。 $60- 滑鸡牛肉饭，鸡够腍滑，值得提嘅佢帮啲鸡掹晒啲皮，唔肥腻，不过牛肉啲骚味好重，唔系太喜欢。$20-  腐乳通菜正常。