鳳城皇宴 (已結業)

都已经系上个月嘅事了，约左个非新界人入屯门行下，好失望无屯门牛哈哈，好热好攰去饮茶就最啱，拣左黎凤城，唔知系咪地点偏远，星期日下午茶居然无乜人，大把枱㖞。坐低左就谂住写点心纸，点知发觉无带笔，枱面又无就问楼面攞，原来好多枱都无笔，楼面将啲笔由左枱拎去右枱系咁交替用。下午茶大中小点划一价钱，好抵，咁就梗系叫大点啦，好多平时唔舍得叫吖嘛。灌汤饺有惊喜㖞，唔系汤浸住㗎，咬开有汤汁流出，唔算好爆浆但都几鲜味。烧卖大大粒啖啖肉，小笼包都几鲜甜，其他正正常常几好味。间茶楼有阳光感觉几干净，冷气足好坐，百几蚊好抵食。