九井壽司 (已結業)

放工去左mega box 睇家品, 睇完就黎左呢间寿司店食晚餐, 因为比佢个门口既火车主题吸引左入到去, 安排左坐大卡位, 坐得好舒服, 佢呢度点餐系用平版落单, 之后就会系旁边既”路轨”送到, 仲有个火车造型添! 我见在场既小朋友每次见到食物黎都好开心食物方面: 有丼饭, 寿司,刺身,手卷, 仲有D炸物! 寿司既款式仲超多!我就叫左杂锦角切鱼生丼: 呢个份量好足! 上面既角切鱼生铺到密密麻麻, 有吞拿鱼, 三文鱼, 希灵鱼, 立鱼， 青瓜、蟹子同蛋，超级丰富，其中我最钟意嘅系吞拿鱼，佢嘅鱼油感十足，用嚟送饭真系超正之后就梗系嗌佢嘅寿司啦，嗌左个军舰大满足，蟹肉蟹膏军舰，蟹子军舰，芝士蟹子军舰，吞拿鱼蓉军舰，三文鱼子军舰，最抵赞嘅系佢嘅紫菜仲系脆嘅，每款军舰都好有水准😋另外仲叫咗两款手卷，叫咗个软壳蟹手卷同北寄贝沙律手卷，软壳蟹热辣辣好香口；北寄贝沙律个调味都唔错，浓厚嘅沙律味同北寄贝好夹🥰最后仲忍唔住叫多两款寿司分别系火炙左口鱼寿司同大切剑鱼腩，左口鱼烧完令佢嘅鱼油更加出，剑鱼腩大大块够晒新鲜！😆呢间餐厅嘅嘢食同埋服务态度都好好，如果有细路仔带埋过嚟一定仲开心😍