小欖燒烤樂園 (已結業)

天气转变凉左，最好嘅活动哽系一家人去bbq,今早起身，老豆话天气凉凉地好舒服。细佬无啦啦话天气咁好，不如去bbq，即兴当然最方便就系去任食烧烤场，家姐之前同同事去过小榄烧烤乐园话几好，今日就一于一家人去烧鸡亦～！去到差不多三点，已经好多人了，烧烤场有停车场。非常方便！亦好多车位，行到门口购票入场，任食，仲包一支水和一个饮品，开炉费$40包2包炭，价钱合理！入到去先拣个位置，跟住就有人员帮手开炉，细佬就去攞食品，好欣赏呢度不是用即弃餐具，呢个烧烤乐园都几大，好多游戏比小朋友玩，仲有一个好大嘅吹气跳弹床，亦都有啲啱大人玩，例如飞标机，仲有得租麻雀！当然要说说食品，鸡翼己有三款味道，分别麻辣、蒜蓉、土匪鸡亦，个人觉得最好食嘅系麻辣味，够麻够辣，另外咖喱鱿鱼、金沙骨和猪扒亦腌得非常入味，调味好好、另外，仲有法佨、方包。蔬菜、茄子、金菇等等，服务员亦有礼及细心，见到我们用网烧烤。会自动自觉帮我们加高左个炉。食物就冇咁易烧焦。烧烤场旁边更有一个沙滩，看到日落，非常正。