影片
更多
2022-08-16
2475 浏览
星期五放工同朋友食饭，佢喺Openrice买咗Coupon喺鲗鱼涌食。本身以为餐厅喺商业区𠮶边，但原来位置比较近太古，亦即系怪兽大厦对面🌇。店舖名叫「Q Time Cafe」，第一眼望到就知系亲子餐厅。餐厅环境唔错，除咗有游乐设施之外🎡，四周围装修都几靓，格调活泼，色彩缤纷。另外，呢度有落地大玻璃窗，出面虽然系街景，但亦感觉开扬。我哋网上买嘅二人餐承惠$568🍽，已包加一服务费，属中等价位啦。如果即场到访嘅话，就可从晚市套餐中选择。安格斯肉眼排，🥩牛扒造型比较普通，不过食落又几有水准。牛扒煎至五成熟，肉身呈粉红色，外层就散发住炭烧嘅香气，而且唔使蘸汁食已经够味。件扒本身嘅质素都唔差，肉味浓郁，肉质软稔，但筋位就稍为多咗啲。🍟牛扒嘅伴菜有薯条同沙律菜，份量多，食晒一定够饱。忌廉松露杂菌炒意大利粉伴香煎带子，🍝菜式中嘅松露香气四溢，忌廉汁较轻，油份控制得宜，所以整体唔会干身。同时，面质弹牙，富嚼劲，再加埋杂菇，更添口感🍄。香煎带子亦系另一卖点，估计餐厅采用刺身级别嘅食材，每粒带子大大只又肥美，味道鲜甜。小食拼盘系一篮炸物，入面有炸薯条、炸蚝同炸虾🍤，全部均炸至金黄香脆、冇油淋淋，小朋友至爱
星期五放工同朋友食饭，佢喺Openrice买咗Coupon喺鲗鱼涌食。本身以为餐厅喺商业区𠮶边，但原来位置比较近太古，亦即系怪兽大厦对面🌇。店舖名叫「Q Time Cafe」，第一眼望到就知系亲子餐厅。
餐厅环境唔错，除咗有游乐设施之外🎡，四周围装修都几靓，格调活泼，色彩缤纷。另外，呢度有落地大玻璃窗，出面虽然系街景，但亦感觉开扬。
我哋网上买嘅二人餐承惠$568🍽，已包加一服务费，属中等价位啦。如果即场到访嘅话，就可从晚市套餐中选择。
安格斯肉眼排
49 浏览
0 赞好
0 留言
安格斯肉眼排，🥩牛扒造型比较普通，不过食落又几有水准。牛扒煎至五成熟，肉身呈粉红色，外层就散发住炭烧嘅香气，而且唔使蘸汁食已经够味。件扒本身嘅质素都唔差，肉味浓郁，肉质软稔，但筋位就稍为多咗啲。🍟牛扒嘅伴菜有薯条同沙律菜，份量多，食晒一定够饱。
忌廉松露杂菌炒意大利粉伴香煎带子
27 浏览
0 赞好
0 留言
忌廉松露杂菌炒意大利粉伴香煎带子，🍝菜式中嘅松露香气四溢，忌廉汁较轻，油份控制得宜，所以整体唔会干身。同时，面质弹牙，富嚼劲，再加埋杂菇，更添口感🍄。香煎带子亦系另一卖点，估计餐厅采用刺身级别嘅食材，每粒带子大大只又肥美，味道鲜甜。
小食拼盘系一篮炸物，入面有炸薯条、炸蚝同炸虾🍤，全部均炸至金黄香脆、冇油淋淋，小朋友至爱，大人就佐酒一流。不过由于牛扒都配有炸薯条，所以感觉有少少重覆，或许可以考虑将薯条改为蕃薯条或鸡翼。
是日餐汤系南瓜忌廉汤，🎃南瓜味道清甜自然，亦饮得到南瓜蓉。
田园沙律
9 浏览
0 赞好
0 留言
二人餐奉送两杯餐酒🍷，红酒或白酒，小朋友耍乐放电时，大人亦可摸摸酒杯底，放松一下。
相片中嘅滑梯令一班小朋友尽兴而归😝。
总括嚟讲，👨👩👧👦呢间亲子餐厅各方面都几好，食物味道不俗，并关注到小朋友嘅健康着想，采用优质食材，调味上亦较为清淡👍。另一边厢，呢度仲有精品同玩具卖添。
张贴
