影片
更多
2020-09-30
327 浏览
约咗朋友食lunch，撞啱亲戚有要事，临时将表姨甥女暂托于我，所以只好带多个小朋友赴约🤷🏻♀️好在朋友唔介意，仲即刻帮手揾咗间啱晒小朋友嘅Cafe😌😌Cafe有好多唔同嘅玩意，有足球机、怀旧电子游戏机、board games、机械人模型、漫画及玩具等，仲有小朋友最钟意嘅小动物，真系大人细路都总会有样嘢啱玩👍🏻饰柜内嘅机械人款式多不胜数，店员透露老板自年少已开始储机械人，店内所有机械人都系历年嘅珍藏，有好多款式都已经年代久远，最啱机械人发烧友朝圣👍🏻Cafe老板亦系漫画迷，除咗出版过漫画「小薯先生」外，亦收藏咗唔少漫画，当中有我儿时必睇嘅「蜡笔小新」，我都忍唔住拎返本睇睇回味吓😆表姨甥女一时就玩玩具，一时就同啲小动物玩，已经无我嘅存在价值😆我就可以好轻松咁同朋友一边吹水一边食lunch：🍖酱烧BB猪仔全骨配铺天薯条（$98）店员极力推介佢哋呢款得奖菜式，咁我哋就一于试吓啦😆猪仔骨满布惹味酱汁，甜甜地几开胃，肉质腍得嚟又好入味😋份量亦都算多，但惊喜感不大！反而薯条系热辣辣即炸起，配有少少肉酱、酸甜酱汁及奶油同食，相对上我会更喜爱😋🥩香煎安格斯西冷牛扒配薯菜（$128）我咁钟意食steak，
Cafe有好多唔同嘅玩意，有足球机、怀旧电子游戏机、board games、机械人模型、漫画及玩具等，仲有小朋友最钟意嘅小动物，真系大人细路都总会有样嘢啱玩👍🏻
饰柜内嘅机械人款式多不胜数，店员透露老板自年少已开始储机械人，店内所有机械人都系历年嘅珍藏，有好多款式都已经年代久远，最啱机械人发烧友朝圣👍🏻Cafe老板亦系漫画迷，除咗出版过漫画「小薯先生」外，亦收藏咗唔少漫画，当中有我儿时必睇嘅「蜡笔小新」，我都忍唔住拎返本睇睇回味吓😆
表姨甥女一时就玩玩具，一时就同啲小动物玩，已经无我嘅存在价值😆我就可以好轻松咁同朋友一边吹水一边食lunch：
🍖酱烧BB猪仔全骨配铺天薯条（$98）
店员极力推介佢哋呢款得奖菜式，咁我哋就一于试吓啦😆
猪仔骨满布惹味酱汁，甜甜地几开胃，肉质腍得嚟又好入味😋份量亦都算多，但惊喜感不大！反而薯条系热辣辣即炸起，配有少少肉酱、酸甜酱汁及奶油同食，相对上我会更喜爱😋
🥩香煎安格斯西冷牛扒配薯菜（$128）
我咁钟意食steak，当然要点啦😆
牛扒煎得几香，而且牛味都几重，配同即磨岩盐真系几好食，朋友都觉得唔错，而且以呢个价钱嚟讲都真系唔贵👍🏻
🥣🍞是日餐汤及蒜蓉包（套餐跟餐）
是日餐汤系罗宋汤，罗宋汤唔够浓，蔬菜偏少，味道一般；蒜蓉包烤到金黄色，香脆之余又有阵阵蒜香，都几惹味😋
☕️香滑即磨咖啡（套餐冻饮+$2）
我唔饮咖啡，所以就无试啦！
爱好咖啡嘅朋友就觉得咖啡还ok，但味道普通，无乜特别！
🍵桂花茶（套餐转特饮+$15）
桂花茶清清地，有阵阵桂花清香，最好系可以无限加水，唔洗就住饮，抵饮👍🏻🤩
Cafe俾人一种舒服亲切嘅感觉，店员又friendly，我哋足足系度hea咗2-3小时😆就连亲戚上嚟Cafe接走表姨甥女时，佢都玩到唔舍得走😂真系啱晒大小朋友一齐嚟👍🏻
另外，Cafe做紧外卖自取三折优惠，意粉竟然低至$31就有交易，真系好抵🤩大推👍🏻👍🏻
张贴
