九丁目日本料理

营业中

休息中

位于元朗嘅西菁街出名食肆多， 呢一间《九丁目》主打日本野， 价钱贴近大众， 一家大细嚟食就最适合不过。餐厅有分户外同埋室内座位，唔热嘅时候坐出面饮番杯啤酒也不错。《烧鳕鱼干》可谓佐酒恩物，烧香嘅鳕鱼干脆卜卜，加上咗七味粉， 食落更加惹味， 点埋bb沙律酱， 同埋一杯生啤，够晒Gur。呢个《火山丼》刺身丼饭够晒足料，$168 就有齐贵价海胆以及三文鱼籽， 仲有蟹籽、三文鱼、油甘鱼甜蛋等材料， 感觉丰富， 用料亦同样新鲜。《七味天鸟唐扬》$48， 唐扬即系炸物， 估唔到呢一个炸鸡件看似平平无奇， 一咬下才发现鸡肉嫩滑多汁， 意想不到。《 牛肉寿喜烧》$108， 以这个价钱有相当多的肥牛， 算是相当超值， 寿喜烧嘅汤底甜甜地， 加埋牛肉落去， 大火滚完之后甜味层次更丰富， 加上有大量嘅蔬菜垫底， 肉同菜嘅比例适中， 加埋滑蛋落去， 如果可以加碗白饭就更加美味。见到在咗吸引咗唔少一家大细嚟帮衬， 食物方面无论大人细路都啱食， 价钱亦相当合理， 住附近嘅朋友不妨试下。