九井壽司 (已結業)

工作前又系要揾野食，食饱先有气力做野！呢间用新干线自动送餐既餐厅就岩哂我同朋友2个大细路！九井寿司系用平板电脑落单，每次落单够4款仲可以抽奖！我地好好彩中左支益力多呀！然后食物就陆续送到啦！我地望到自动送过黎都觉得好好玩，更何况小朋友呢🤪🤪我地而家系下午茶时间，所以有d下午茶套餐可以叫！我地自先叫左2款特价小食，就系八爪鱼同螺肉，每款都系$8几抵！下午茶套餐我地叫左迷你海胆三文鱼定食，包括左餐汤同埋沙律！三文鱼都几厚切，新鲜味美！海胆都鲜味！面豉汤里面仲有蚬肉呀！我地另外仲叫左花之恋寿司、赤贝寿司、三文鱼腩寿司、象拔蚌寿司！每一款都唔错！最后果个烧鱼干都好好味，烧得好香，少少脆，沾埋沙律酱食真系停唔到口原来餐厅仲会有礼物送比小朋友，仲可以自己拣，呢间餐厅真系好适合一家大细黎呀