Bingle Bingle 空中列車烤肉 (太和廣場西翼)

营业中

休息中

早排去咗太和试呢间好有特色嘅「Bingle Bingle空中列车烤肉」，一入到去，就俾佢嘅装修吸引咗——成间餐厅好似太空舱咁，有啲未来感觉，最特别嘅系食物系由「空中列车」送上嚟，真系好玩又新奇！ 🥢1++日韩牛西冷极上套餐有宫崎A5和牛肉眼盖、1++韩牛西冷同埋宫崎A4和牛三角腩；宫崎A5和牛肉眼盖入口即溶，油花分布均匀，烤到微焦带少少香脆边，𠮶阵牛油香系会令人忍唔住想食多几块😋1++韩牛西冷肉味浓郁，带嚡少少嚼劲，但唔会韧，几适合钟意重口味肉香嘅人😻宫崎A4和牛三角腩肉汁丰富，油脂比A5少啲，但胜在肉味突出，平衡得几好，啱啱好唔会太腻👍🏻呢个套餐仲包咗韩式牛肉杂菜汤、韩式凉菜同埋白饭。我哋升级咗白饭做温泉蛋紫菜饭，呢个选择绝对啱🤤紫菜香味配埋温泉蛋嘅滑溜口感，真系加强咗成个烧肉体验，建议一定要升级呢个！ 🥢 酱油薯仔牛肋骨铁板呢个铁板菜系佢哋嘅新菜式，牛肋骨煮到软腍入味，带有浓郁嘅酱油香气，配埋薯仔一齐食，吸咗汁嘅薯仔粉糯香口，真系几好送饭。 整体嚟讲，食物质素唔错，成个用餐过程仲充满新鲜感，见到「列车」送餐上枱真系几开心。