影片
更多
2022-06-15
804 浏览
自从朋友各有家庭，少左见面都在所难免，特别系有小朋友嘅朋友，因为有时出黎食饭，带小朋友真系未必方便。出国无期，一般嘅报复性饭局已经满足唔倒大家，所以今次就约左好耐冇见嘅朋友出黎BBQ，多啲时间倾计，又可以俾小朋友放电，一举两得。哩度最大卖点就系哩两个大型吹气嬉水池，仲有埋滑梯，见好多细路由黄昏玩到夜晚都冇离开过个嬉水池就知可以放倒几多电啦！冇带泳衣唔想湿身嘅，都仲有好多陆水游乐设施，好似跳弹床、滑梯、平衡木......等等。如果落雨，都仲有夹公仔机同篮球机，不过就要另外收费。哩度分左几个烧烤区，全部都有瓦遮头同好多大风扇。佢另外仲有VIP房，除左可以自成一角之外，仲有冷气添，相入面左边嘅屋仔就系VIP区。哩度嘅任食BBQ限时5个钟，平日一至四$160/人，五六日同假期就$180/人，本身包左一罐罐装饮品或一枝樽装水，新张期间Like同Share 社交平台仲可以每位减$10，另外开炉费$50包一包炭、蜜糖同烧烤用品。所有罐装饮品都可以用饮品卡免费换领，汽水、凉茶、果汁都有。如果要再买野饮，各款枝装野饮都系$10-15/枝，价钱都合理。食物方面一般大路野都有，肠、丸、猪牛鸡、蔬菜同面包都有
哩度最大卖点就系哩两个大型吹气嬉水池，仲有埋滑梯，见好多细路由黄昏玩到夜晚都冇离开过个嬉水池就知可以放倒几多电啦！
冇带泳衣唔想湿身嘅，都仲有好多陆水游乐设施，好似跳弹床、滑梯、平衡木......等等。
如果落雨，都仲有夹公仔机同篮球机，不过就要另外收费。
哩度分左几个烧烤区，全部都有瓦遮头同好多大风扇。
佢另外仲有VIP房，除左可以自成一角之外，仲有冷气添，相入面左边嘅屋仔就系VIP区。
哩度嘅任食BBQ限时5个钟，平日一至四$160/人，五六日同假期就$180/人，本身包左一罐罐装饮品或一枝樽装水，新张期间Like同Share 社交平台仲可以每位减$10，另外开炉费$50包一包炭、蜜糖同烧烤用品。所有罐装饮品都可以用饮品卡免费换领，汽水、凉茶、果汁都有。
如果要再买野饮，各款枝装野饮都系$10-15/枝，价钱都合理。
食物方面一般大路野都有，肠、丸、猪牛鸡、蔬菜同面包都有，肉类全部都有腌，部份款式仲有唔同味道。
另外仲有胡椒、盐、豉油、醋哩啲简单调味料可以自由取用。
连番薯都有，仲有锡纸提供。
餐具、纸巾、胶枱布、手套、烧烤叉、铁夹就可以喺度拎。
每个炉本身会免费跟一块烧烤网，除左啱懒人之外，最重要系唔洗长期坐近个炉，烧到成身烟味同出晒汗。如果想换网，可以另外再买($40/块)。肉类都腌得好入味，又唔会太咸。咖哩鱿鱼好惹味，金沙骨肥瘦适中，唔会太韧。
鸡翼都有三款唔同味道。猪扒牛扒除左入味之外，亦好腍冇筋。
丸类都有好多款，芝士肠好多芝士，厨师肠就略嫌咸左少少。
蔬菜有娃娃菜、秀珍菇、金菇、脆玉瓜同茄子。
番薯虽然系黄心，不过都好甜。
场内嘅唐狗旺财好乖，会不时喺场内走黎走去。
总结，以任食烧烤场黎讲，野食质素都唔差，虽然只包一罐野饮，不过再要散买价钱都合理，重点系场内有好多啱小朋友放电嘅设施，连嬉水池都有，啱晒而家咁热嘅天气。
张贴
