影片
更多
2023-08-24
126 浏览
呢间龙城冰室旺过旺角，窗口仔卖面包长期有人买紧，堂食常满，所以成日外卖；今日赶住食完饭上堂，乖乖排队入座，好彩都劲快有位😎晚餐有呢个齐集我至爱，唔使点谂lu⋯⋯芝士虾球烩伊面伴西兰花 $98一碟伊面，有芝士西兰花及芝士虾球，大厨炮制呢个组合真好！唔好睇少呢个平民版芝士虾球伊面，虾球坚大粒，只只虾都手指公咁粗壮的！🤣🤣超级啖啖肉。同埋d虾已经腌咗味，加埋芝士汁，香喷喷，够惹味。而且芝士汁绝对对板，捞伊面真系一流，好好食呀。平时食饭见到芝士焗西兰花都会嗌，今次嘅芝士西兰花虽然无焗过，但西兰花点芝士汁，都系咁正！推介丫。罗宋汤呢个红汤好饮㖞！一嚟足料煲、二嚟无沟到水汪汪，坚香浓，连d煲汤料都食哂，干了！哈哈....热柠茶茶底清新，唔会涩，柠檬片又够多，呢度果然出手豪爽，野食大大碟，面包大大个，野饮都大大杯，性价比超高呢～
呢间龙城冰室旺过旺角，窗口仔卖面包长期有人买紧，堂食常满，所以成日外卖；今日赶住食完饭上堂，乖乖排队入座，好彩都劲快有位😎
晚餐有呢个齐集我至爱，唔使点谂lu⋯⋯
芝士虾球烩伊面伴西兰花 $98
一碟伊面，有芝士西兰花及芝士虾球，大厨炮制呢个组合真好！
唔好睇少呢个平民版芝士虾球伊面，虾球坚大粒，只只虾都手指公咁粗壮的！🤣🤣超级啖啖肉。同埋d虾已经腌咗味，加埋芝士汁，香喷喷，够惹味。而且芝士汁绝对对板，捞伊面真系一流，好好食呀。
平时食饭见到芝士焗西兰花都会嗌，今次嘅芝士西兰花虽然无焗过，但西兰花点芝士汁，都系咁正！推介丫。
罗宋汤
呢个红汤好饮㖞！一嚟足料煲、二嚟无沟到水汪汪，坚香浓，连d煲汤料都食哂，干了！哈哈....
热柠茶
茶底清新，唔会涩，柠檬片又够多，呢度果然出手豪爽，野食大大碟，面包大大个，野饮都大大杯，性价比超高呢～
张贴
