影片
更多
2013-07-05
4859 浏览
一直都好想试呢间「传说中」的餐厅，但系先后三次都因为冇位既关系被迫过门而不入，几乎肯定冇book位系一定入唔到去架！这间餐厅在中环打工仔中薄有名气，唔系因为佢特别好食或者服务特别好，而系佢出名「大件夹抵食」，$100都唔驶又鱼生饭又前菜又汤又dessert咁，平到笑！今次终于的起心肝，喺前一日放工前订枱先勉强可以喺星期五12点既prime time book到最后两个位。餐厅位于中环嘉咸街，由兰芳园路口行入去三分钟都唔驶就到。餐厅非常之细，骤眼望落去应该30个坐位都冇。因为租贵既关系，位同位之间都十分之迫，不过如果有好野食又有乜所谓呢！是日叫咗「不可不试」既北海道鱼生饭。厨房好快手，唔驶三分钟前菜，沙律同埋面豉汤已经埋位。前菜系简单但不平凡的薯蓉。入口既第一个感觉已经知道唔系喺街边求其买返黎既KFC之流。薯仔打得好碎，所以有入口即溶既感觉，而其中更加入左红萝白粒同埋青瓜片，令到佢不但有软滑既感觉之余亦不失爽口既口感，激赞！至于沙律同味噌汤方面，坦白讲冇乜野特别，算系不过不失啦，不过以咁既价钱有百几蚊一个set lunch既质素，坦白讲绝对收货！北海道鱼生饭︰非常喜出望外！Portion
今次终于的起心肝，喺前一日放工前订枱先勉强可以喺星期五12点既prime time book到最后两个位。餐厅位于中环嘉咸街，由兰芳园路口行入去三分钟都唔驶就到。餐厅非常之细，骤眼望落去应该30个坐位都冇。因为租贵既关系，位同位之间都十分之迫，不过如果有好野食又有乜所谓呢！
是日叫咗「不可不试」既北海道鱼生饭。厨房好快手，唔驶三分钟前菜，沙律同埋面豉汤已经埋位。前菜系简单但不平凡的薯蓉。入口既第一个感觉已经知道唔系喺街边求其买返黎既KFC之流。薯仔打得好碎，所以有入口即溶既感觉，而其中更加入左红萝白粒同埋青瓜片，令到佢不但有软滑既感觉之余亦不失爽口既口感，激赞！至于沙律同味噌汤方面，坦白讲冇乜野特别，算系不过不失啦，不过以咁既价钱有百几蚊一个set lunch既质素，坦白讲绝对收货！
北海道鱼生饭︰非常喜出望外！Portion比我想像中仲要大，三文鱼、带子、三文鱼籽同埋海胆全部都有齐之余仲非常新鲜添！特别要提一提D海胆，入口时第一口既感觉系「正呀」，D新鲜到仲有少少海水味既海胆喺舌头上面溶化紧既感觉真系好正！主角三文鱼亦一如我所料交足功课，就咁数已经数到at least 有6块鱼生，而每块重要厚到好似刺身咁既厚度添！口感方面，鱼既脂肪同鱼肉既比例啱啱好，所以唔会太瘦、太鞋口之余亦都唔会有「肥腍腍」既情况出现！不过喺度亦都要弹一弹D配菜。虽然D酸姜既味道刚刚洽到好处，但系D葱就有少少over左。其实，店家可以考虑改用比较短D同幼D既葱，甚至全部cut晒佢都可以，事关将无炒过、仲有阵阵「田园气息」既青菜放喺沟左醋既日本米上面真系有D奇怪呀！
糯米磁︰千其唔好睇少呢旧饭后甜品。虽然好明显一睇就睇得出系维记果D cheap野之流，但系喺食完鱼生饭之后食既话就可以neutralise返日本豉油既咸味同埋味精，如果唔系成个下昼就要不断non stop咁饮水喇！
老实讲，$98既set lunch 当然唔可以expect佢会有五星级酒店既格局，服务以至配套。不过，对于好似我呢D讲求食物质素多过其他不设实制既浮夸野既人，呢到绝对系抵到烂之选！
张贴
