越北牛肉粉

营业中

休息中

下午茶餐好抵食，未够六点嚟，间餐厅都坐到满晒，足以证明深受街坊欢迎。餐牌套餐有好多选择，有唔同款式嘅饭同面，每个套餐仲可以加配小食。虽然系下午茶餐，但系份量一啲都唔细，食到好饱，可以当晚餐食，好抵！综合牛肉汤粉有三款牛：肥牛、牛骨髓同牛丸，牛既份量好多，肥牛好香，唔会太肥，牛骨髓好烟韧有口感，口味好浓，牛丸都好味，个汤底好香好够味，檬粉吸晒啲精华，正！三宝饭有香茅猪扒、鸡翼同扎肉，份量亦都系好多，啱晒钟意食肉嘅人，猪扒同鸡翼都处理得好好，香茅味好够，外皮整得好脆，个饭质感好好，够软绵！