越僑

营业中

休息中

Lunch见中环好多餐厅都好爆场，就近近地行左去铁行里入边揾餐厅，竟然比我揾到间性价比几高既越南小店就打算试下佢～因为系中环lunch time既关系，所以等位都等左大约20分钟先入到去。入到去餐厅比较细少，坐得唔算话好舒服果种，但员工都亲切友善👍🏻坐低后我就叫左个沙嗲猪颈肉饭，另外见佢个蒜蓉牛油鸡翼系店长推介，咁我又散叫多4只蒜蓉牛油鸡翼试试佢。首先黎到既系鸡翼，一上枱已经闻到好香，一试真系爱上左，佢炸得好香脆，肉质又细嫩，完全唔「鞋」口，加上佢铺底既蒜蓉萝卜丝好惹味，4只真系唔多够喉👍🏻👍🏻👍🏻 再黎就系佢个沙嗲猪颈肉饭，佢个沙嗲闻落好香椰汁味，但食落就冇闻落咁香，略嫌个沙嗲味唔系好岀唔够惹味，但个猪颈肉就好冧好香口，十分好食，猪颈肉同个饭份量都好足，唔大食既女仔朋友可能两个人share一碗都仲得，男士们就一定够饱肚，呢个份量黎讲系十分抵食。最后埋单就$100，中环食lunch黎讲就差唔多都系呢d价，唔算话好贵，小店黎讲算系有惊喜，推荐！