麗莎餐廳

营业中

休息中

星期六出咗去佐敦睇中医，再顺便买啲嘢食返屋企。呢个时世个个都患咗盲抢炎，想买𩠌都难，分分钟买外卖仲平过自己煮🙈。我帮衬咗「丽莎餐厅」，因为见佢好似几多选择，价钱又相宜。餐厅格局同一般茶记无异，家常小菜同炒粉面饭一应俱全，另外亦有得据扒同食烤鱼👍。不过外卖就简简单单嗌个二人餐吧。2人休闲餐(超值价$168)，套餐内容好丰富，我额外再炒多盒粉，够哂四个人食🥢🥢🥢🥢！留意返，外卖盒要收钱的。沙姜鸡(半只)，🐔鸡鸡好肥美，半只份量都好多，肉又够厚，斋食佢都抵。沙姜汁集中喺底，再加埋大量芝麻，好惹味，如果钟意浓味啲就记得捞匀。鸡肉肉质唔嚡，并且唔系用𠮶啲雪到无味嘅肉，以茶记出品嚟讲绝对系水准之上。椒盐猪扒，套餐可自选一款小菜，既然另外有碟菜，就梗系嗌肉肉🍖。猪扒爆得好香口，外层嘅干蒜同葱系精华所在，相信如果堂食应该更脆更正。猪扒带骨，不过胜在大大件，而且肉质松软多汁，唔会硬梆梆。清炒时蔬，炒菜竟然系小白菜💚，非常难得。咁大碟菜估计都值几十蚊，哈哈。虽然系清炒，但唔系白烚，所以都几够味，而且啲菜本身几嫩。马来炒贵刁($55)，贵刁满满镬气，最重要系唔油，亦无炒到碎湿湿，唔错🥘。佢亦落足料炒，包括虾