影片
更多
2021-05-07
3489 浏览
昨晚去咗康怡广场3楼，被一间有齐京、川、粤菜式供应嘅食肆「金公馆」的大型京剧画报吸引住，而且觉得门口post出嚟嘅菜式都几合胃口，于是入咗去食晚饭。老坛子酸菜鱼半份（$148）第一次食酸菜鱼，半份已经好大盆，两个人食系食唔晒嘅！唔食得辣可以要求小辣。一上枱卖相已经相当吸引，先尝一口，汤底浓郁，材料除鱼片外，还有劲多配菜如咸酸菜、辣椒干、莴笋、芝麻、葱等等，味道又酸又辣，极其醒胃。桂花鱼肉片分量比预期多，薄切，肉质好软滑，味道鲜甜可口，鱼油甘香美味。二人套餐（$438）呢个套餐非常之抵食，四百几蚊有七样嘢食，好丰富呀！香葱鸡蛋豆干粒呢款凉菜好香葱油味，豆干豆味浓，质感爽夹滑。清城山杏汁白肺汤自己唔会整，嫌功夫又多又烦，难得呢个套餐有呢个杏汁白肺汤，当然唔可以错过。汤底既美味又滋润，还有淡淡的杏仁香味。虽然个盅唔系太大，但系煲汤料都好多，有白菜、猪肺、猪肉、鸡脚等，认真足料。烤北京填鸭（半只）皮脆，肉嫩，最好的是上枱前啲肥油已经被切走，所以唔会食到成口油。摩摩皮够薄身，而且每片都隔有一张纸，唔拍黐埋一齐， 而且仲可保存摩摩皮嘅热度。配料有青瓜、大蒜、莴笋，仲有哈密瓜条。酱汁也有三四款之多。
老坛子酸菜鱼半份（$148）
第一次食酸菜鱼，半份已经好大盆，两个人食系食唔晒嘅！唔食得辣可以要求小辣。一上枱卖相已经相当吸引，先尝一口，汤底浓郁，材料除鱼片外，还有劲多配菜如咸酸菜、辣椒干、莴笋、芝麻、葱等等，味道又酸又辣，极其醒胃。桂花鱼肉片分量比预期多，薄切，肉质好软滑，味道鲜甜可口，鱼油甘香美味。
二人套餐（$438）
呢个套餐非常之抵食，四百几蚊有七样嘢食，好丰富呀！
香葱鸡蛋豆干粒
呢款凉菜好香葱油味，豆干豆味浓，质感爽夹滑。
清城山杏汁白肺汤
自己唔会整，嫌功夫又多又烦，难得呢个套餐有呢个杏汁白肺汤，当然唔可以错过。汤底既美味又滋润，还有淡淡的杏仁香味。虽然个盅唔系太大，但系煲汤料都好多，有白菜、猪肺、猪肉、鸡脚等，认真足料。
烤北京填鸭（半只）
皮脆，肉嫩，最好的是上枱前啲肥油已经被切走，所以唔会食到成口油。摩摩皮够薄身，而且每片都隔有一张纸，唔拍黐埋一齐， 而且仲可保存摩摩皮嘅热度。配料有青瓜、大蒜、莴笋，仲有哈密瓜条。酱汁也有三四款之多。
咕噜虾球
虾球大大只，二人份量都有七至八只。配菜除了三色椒及洋葱外，还有新鲜菠萝。虾肉爽口兼弹牙。
灵芝菇炒莴笋丝
莴笋刨成面条状，份量不少。莴笋好爽脆，用嚟炒灵芝菇，好味得嚟又健康。
京式小笼包
一啖一口，每人两只刚刚好。猪肉馅料鲜甜又爆汁，如果皮底薄返少少就更好。
杞子桂花糕
大大件，杞子和桂花足料，既清甜又冰凉，口感弹牙，吾会大淋身。
呢个套餐和酸鱼，真系大件夹抵食，唔怪之得虽然昨天是星期四，都好多客人帮衬。
张贴
