金鳳大餐廳

营业中

休息中

环境属于旧式嘅香港扒房，楼底高，灯光偏黄较暗。今日嗌左个雪花牛扒 + 招牌牛柳。加钱转酥皮海鲜周打汤，再嗌多碟芝士焗西兰花。落单后大概5分钟就送上酥皮汤，酥皮够热够脆，不过比较薄，跟餐另加$23黎讲就唔算抵，因为里面嘅周打海鲜汤同唔洗加钱嘅忌廉汤差唔多味。芝士焗西兰花一般般，份量算多，但无咩芝士，汁比较杰，杰到一旧旧咁。重头戏！铁板雪花牛扒 加蒜！一定要加蒜加蒜加蒜！惹味好多。有黑椒汁/蒜汁选择，足足有两大块雪花牛扒，底下仲有杂菜同薯条，不过被油浸到淋哂。讲返牛扒，雪花牛扒比起招牌牛柳或者其他牛扒肥，但咬落好淋好嫩，无筋。招牌牛柳就大大件，起码有3,4cm厚，相比雪花，牛味肉味浓好多。