九記打冷.小菜.粉麵 (已結業)

好钟意同朋友去啲潮州小店打冷倾吓计，钟意潮州嘢又有特色又好食。今晚我同相识咗好多年嘅中学同学去咗一间位于尖沙咀嘅潮州小店食嘢，那里虽然环境唔系大酒楼嘅格局，而系典型地道茶餐厅嘅设计，但系别有一番风味。到潮州小店当然要点啲潮州地道食品。未食正餐前仅有一碟我最钟意食嘅咸酸菜做前菜，咸酸菜酸酸甜甜非常醒胃。前菜除咗咸酸菜，仲有咸香味极浓嘅菜脯粒粒。萝卜猪红： 好入味，猪红实净得嚟又几滑，萝卜就煮得好淋而且无渣。除咗萝卜猪红，原来仲有爽口嘅猪皮添。鹅件：件件整齐排列，鹅件色泽油润，啖啖肉之余更没有一点肥膏，下垫有卤水豆腐和花生，𩠌啤酒或白粥都好啱。沙爹牛肉芥兰：牛肉又嫰又淋，份量不少。沙爹酱汁丰富，味浓郁兼惹味。芥兰翠绿又爽口。方鱼肉碎粥大大碗，两个人都食吾晒，汤底清甜可口。冇谂过每碟食品包括前菜都大件夹抵食，最终都食吾晒要打包返屋企，而且店舖位置又非常方便，下次再想食潮洲嘢都会再嚟帮衬。