鳳城酒家 (已結業)

早几日小鲜肉老公带左本人妻同两位长老们一齐去左黄埔附近一间叫凤城酒家嘅酒楼食晚市 😆佢话呢度d𩠌除左好食之外 ，唔洗叫好多都会好饱肚 既然咁抵食 ，我就试试叫个3𩠌1汤！💕四个人食会唔会饱肚先😊首先有酸萝卜开胃呢间酒家一至四堂剪乳猪做特价 💕所以叫左半只试试 ，一黎到职员真系会起你面前好整齐咁剪到靓靓放起面前 ，本人妻心谂噱头野姐 ，一早烧好放起你面前再剪 🤫有咩特别呀 ！如果真系咁谂就真系少年你太年轻喇 ！因为佢地送上枱嘅乳猪唔同我地平日去饮冻晒嘅猪 ，本人妻觉得系即叫即烧嘅乳猪黎嫁 ，非常热 、皮脆肉嫩 、点埋个乳猪酱加砂糖食 ，两位长老都赞好 ❤️之后到场嘅系蟹肉冬茸羹 ，呢个系小鲜肉点名要叫嘅 ，佢话上次同朋友黎饮完都赞不绝口 ！经过头先只乳猪咁好食 ，今次本人妻绝冇质疑小鲜肉嘅推介， 一煲羹四个人大约可分到两至三碗 ，望落去好多蟹肉起面同成碗都系冬瓜茸黎 ！非常非常足料 ，大家都安静咁默默饮完一碗再一碗 ！真系好味到冇野好讲 ，好快大家就将成煲羹饮晒 ！最后到今晚嘅主角登场 ，呢个𩠌系两位长老指名要点嘅凤城名菜 ，煎酿鲮鱼 ！呢个菜式虽然系用料普通 ，但系做法好刁钻 ，先将鱼肉