Red Rice 米飯主題餐廳 (億利工業中心)

营业中

休息中

荔枝角区lunch时间不嬲都兵慌马乱，周围都好多人等位，排哂长龙，完全唔忧做，所以好多餐厅都唔系特别好食, 但午餐要成6、70蚊，甚至近100蚊，每次食都好感概，点解俾左咁嘅钱，唔系食得返咁嘅质素。但近排近D2果边嘅餐厅有几间都转左手，呢间第一间开张，新屎坑梗系约埋班同事去试下。新装修都坐得好舒服，唔会好似附近嘅小X港X，迫到飞起。餐厅主打蛋包饭, 叫左鸡扒蛋包饭，48蚊，好大碟，鸡扒都煎得好香，蛋都OK滑, 饭系茄汁饭底又叫左个厚切猪扒餐拼司华力肠，本身有配少少律同一兜薯条，仲可以加个意粉? 痴线, 一个人点食，呢个餐就贵少少，62蚊另一个同事叫左个火山玉子肉酱饭铁板饭，卖相似足PEPPER LUNCH，都几香当然味就系肉酱饭加蛋, 不过47蚊, 唔贵得美心, 大快活好多，但有铁板上，都几开心其实细食嘅女仔, 一碟够两个人食。4个人叫3份, 一定够, 仲悭啲钱上网Shopping，啱哂OL。睇埋佢啲早餐, 同埋下午餐, 都好多选择唔怪得知朝早都几多人食。谂都会继续帮趁，希望佢唔会做做下份量缩水啦。